Gözelligiň we nuranalygyň baýramy

Ajaýyp bahar paslynyň ilkinji günlerinde bellenilýän Halkara zenanlar gününiň öňüsyrasynda hormatly Prezidentimiziň gol çeken Buýrugyna laýyklykda, bagtyýar zenanlara pul sowgatlaryny gowşurmak dabaralary welaýatymyzda guramaçylykly geçirildi.

Edara-kärhanalarda zähmet çekýän zenanlara, mekdebe çenli çagalar edaralarynda terbiýelenýän şadyýan gyzjagazlara, orta mekdeplerde, ýokary we orta hünär okuw mekdeplerinde bilim alýan gyzlara nurana baýramçylyk mynasybetli pul sowgatlarynyň gowşurylyş dabaralarynda çykyş edenler berkarar döwletimizde zenanlara goýulýan sarpa hakynda buýsançly gürrüň etdiler.