Gözel tebigatyň goragynda

Daşoguz welaýat Daşky gurşawy goramak müdirligi Daşoguz welaýat Polisiýa müdirliginiň ýangyn howpsuzlygy bölümi bilen bilelikde welaýatyň tokaýlarynda, sähralarynda we çöllerinde ýangyn howpunyň öňüni almak boýunça ýerine ýetirilmeli çärelere bagyşlanan okuw maslahatyny gurady. Oňa welaýatyň çäklerinde bu ugurda hereket edýän gulluklaryň, degişli edara-kärhanalaryň wekilleri, hünärmenleri gatnaşdylar.

Okuw maslahatynda edilen çykyşlardan görnüşi ýaly, ýaz-tomus pasyllarynda howanyň maýlamagy, soňra gyzmagy bilen, ýurdumyzyň, şol sanda welaýatyň tokaýlarynda, sähralarynda we çöllerinde ýangyn döremek howpy artýar. Munuň hem esasy sebäbi şol ýerlere ildeşlerimiziň dynç almaga, gezelenç etmäge köpçülikleýin çykmaklaryna, şonuň ýaly-da, olaryň hojalyk maksatly işler bilen meşgullanmaklaryna bagly bolýar. Şonuň üçin hem şeýle hadysalaryň öňüni almak babatda zerur çäreleriň amala aşyrylmagy, ilat arasynda degişli düşündiriş işleriniň amala aşyrylmagy zerurdyr.

Tebigatymyzyň bezegi bolan tokaýlar, sähralar, çöller biziň baýlygymyzdyr. Ony goramak her bir adamyň borjy bolup durýar.