Geňeşli iliň döwletli tutumy

«Pähim-paýhas ummany Magtymguly Pyragy» ýylyny dabaralandyrmak hem-de Halk Maslahatynyň taryhy ähmiýetini wagyz etmek maksadynda «Halk Maslahaty — geňeşli iliň döwletli ýoly» atly şygar bilen geçirilen söhbetdeşlige Daşoguz welaýat Adalat bölüminiň hem-de TMÝG-niň Daşoguz welaýat, etrap, şäher geňeşleriniň işgärleri, işjeň agzalary gatnaşdylar.

Çykyş edenler döwlet hem jemgyýetçilik durmuşynda gazanylýan üstünlikler, ýetilýän belent sepgitler, hususan-da, buýsançly şygara beslenen taryhy ýylymyzda bolup geçýän wakalar barada uly buýsanç bilen gürrüň etdiler. Bir-biriniň üstüni ýetirýän şol wakalaryň hatarynda baş baýramymyz bolan mukaddes Garaşsyzlygymyzyň 33 ýyllygyny giňden dabaralandyrmaga hem-de Halk Maslahatynyň taryhy mejlisine ýokary derejede taýýarlyk görülýändigi barada aýtdylar. Döwletimiziň ösüşini has-da artdyrmaga, halkyň ýaşaýyş-durmuşyny mundan beýläk hem ýokarlandyrmaga gönükdirilen belent wezipeleriň ara alnyp maslahatlaşylmagynyň hem-de bu babatda degişli çözgütleriň kabul edilmeginiň Halk Maslahatynyň ähmiýetini artdyrýandygy bilen, halkymyzda uly buýsanjy döredýändigi barada nygtaldy.