Egsilmez buýsanjyň beýany

TKA-nyň Daşoguz welaýat birleşmesiniň uly mejlisler zalynda «Konstitusiýa we Döwlet baýdagy mizemez mukaddeslikdir» atly şygar bilen geçirilen dabaraly maslahata KA-nyň dürli ugurlarda zähmet çekýän işjeň agzalary gatnaşdylar.

Maslahatda çykyş edenler ýurdumyzyň ösüş-özgertmeleriniň barha giň gerime eýe bolýandygy, onuň bolsa halkymyzyň ýaşaýşyna ýokary derejede täsirini ýetirýändigi, bagtyýar raýatlaryň kalbynda emele gelýän ruhy galkynyşyň ýurdumyzda giňden bellenilýän baýramçylyklaryň we şanly seneleriň dabaralarynda has aýdyň duýulýandygy barada uly buýsanç bilen bellediler. Ýurdumyzyň ösüşleriniň hukuk binýadyny özünde jemleýän Esasy Kanunymyzyň hem-de halkymyzyň bagtyýar durmuşynyň buşlukçysy bolan ýaşyl Baýdagymyzyň döwletimiziň özygtyýarlylygynyň, halkymyzyň agzybirliginiň we bitewüliginiň nyşany bolup, ýürekleriň buýsanç duýgusyny artdyrýandygyny nygtap geçdiler.