Duşuşyk geçirildi

Golaýda Türkmen oba hojalyk institutynda Türkmenistanyň Zenanlar birleşiginiň Daşoguz welaýat bölüminiň guramagynda «Zenan, nesil, millilik — döwletliligiň sarsmaz sütüni» atly şygar bilen duşuşyk geçirildi. Talyp gyzlaryň arasynda maşgala mukaddesligini ündemek, nesilden-nesle geçip gelýän milli gymmatlyklarymyzy, däp-dessurlarymyzy, ahlak-edep kadalaryny wagyz etmek maksady bilen geçirilen duşuşyga institutyň talyp gyzlary hem-de zenan mugallymlary gatnaşdylar.

Duşuşygyň dowamynda çykyş edenler maşgala ojagynyň mukaddesligi, zenanlara goýulýan sarpa, ýaş nesli döwrebap ruhda terbiýelemekde alnyp barylýan işler, milli ýörelgelerimiziň ähmiýeti, ahlak-edep kadalarynyň berjaý edilmeginiň zenanlaryň mertebesini beýgeldýänligi, milli el işlerini ýaşlara öwretmekde halypa-şägirtlik mekdebiniň orny barada giňişleýin hem täsirli gürrüň edildi.