Dünýäniň belent ykrary

Daşoguzyň Beki Seýtäkow adyndaky mugallymçylyk mekdebinde hormatly Prezidentimiziň «Türkmenistanyň Bitaraplygy — parahatçylygyň we ynanyşmagyň aýdyň ýoly» atly kitabynyň tanyşdyrylyş dabarasyna mugallymçylyk mekdebiniň mugallymlary, talyplary gatnaşdylar.

Dabarada mekdebiň mugallymlary, Türkmenistanyň at gazanan bilim işgäri Gaýypnazar Nurnazarow, Daşoguz şäher halk maslahatynyň agzasy Maýsa Amangeldiýewa, Serdar Saparow, mekdebiň talyplary Laçyn Halowa dagy çykyş etdiler. Çykyş edenler hormatly Prezidentimiziň ajaýyp eseriniň ähli halkymyz, aýratyn hem ýaş nesiller üçin hemişelik Bitaraplygymyzyň gadyr-gymmatyna düşünmekde, dünýägaraýşyny artdyrmakda uly gollanma bolup hyzmat etjekdigini buýsanç bilen bellediler. Şeýle hem kitapda hemişelik Bitaraplygymyzyň ähmiýetiniň, dünýäde parahatçylygy, ynanyşmagy gorap saklamagyň taryhy jähtleriniň öz beýanyny tapýandygyny nygtap geçdiler.

Dabarada mugallymçylyk mekdebiniň «Bagtyýar ýaşlyk» medeni merkeziniň aýdymçylarynyň ýerine ýetirmeginde ata Watanymyzy, bagtyýar döwrümizi wasp edýän aýdym-sazlar belentden ýaňlandy.