Daşoguz welaýatynyň topary çempion boldy

Türkmenistanyň Maýyplarynyň merkezi bedenterbiýe-sport klubunyň guramagynda Mary welaýatynyň Mary şäherinde dil-eşidiş taýdan şikesli türgenleriň arasynda woleýbol boýunça ýurdumyzyň çempionaty geçirildi. Onda welaýatlaryň we Aşgabat şäheriniň güýçli woleýbol toparlary özara güýç synanyşdylar. Ýaryşyň netijesine görä, uly hasap bilen Daşoguz welaýatynyň maýyplar-bedenterbiýe sport klubunyň topary Türkmenistanyň çempiony boldy. Lebap welaýatynyň we Aşgabat şäheriniň toparlary, degişlilikde, ikinji we üçünji orunlary eýelediler. Ýeňijiler Hormat hatlary we baýraklar bilen sylaglanyldy.