Dabaraly maslahat geçirildi

Golaýda döwlet edaralarynyň işgärleriniň KA-nyň Daşoguz welaýatynyň Daşoguz şäher geňeşiniň TGM-niň hünärmenleri taýýarlaýan harby mekdebi bilen bilelikde guramagynda «Türkmenistanyň Halk Maslahaty — halkyň bähbidine» atly maslahat geçirildi. Harby mekdepde geçirilen maslahata onuň işgärleridir okuwçylary ýokary ruhubelentlik bilen gatnaşdylar.

Maslahatda TGM-niň hünärmenleri taýýarlaýan harby mekdebiniň müdiri Döwlet Berdiýew, Türkmenistanyň Hormatly il ýaşulusy Hanbaý Saparow, mährem ene Sona Galandarowa, döwlet edaralarynyň işgärleriniň KA-nyň Daşoguz şäher geňeşiniň başlygy Bibigül Amanowa, welaýat Polisiýa müdirliginiň 4-nji bölüminiň uly gözegçisi Näzik Ýusupowa dagy çykyş edip, bedew batly ösüşlere beslenýän mähriban Watanymyzyň goýnunda halkyň bagtyýar, abadan, bolelin durmuşda ýaşamagy ugrunda amala aşyrylýan uly tutumly, döwletli işler babatda buýsanç bilen belläp geçdiler. Hormatly Prezidentimiziň «Watan diňe halky bilen Watandyr! Döwlet diňe halky bilen döwletdir!» diýen ynsanperwer ýörelgesiniň ajaýyp döwrümizde giňden dabaralanýandygyny nygtadylar.