Dabaraly maslahat

Halkara parahatçylyk we ynanyşmak ýyly hem-de hemişelik Bitaraplygymyzyň 30 ýyllygy mynasybetli Daşoguz welaýatynyň Daşoguz şäher häkimliginiň, şäheriň syýasy-jemgyýetçilik guramalarynyň, şäher medeniýet merkeziniň bilelikde guramagynda «Gahryman Arkadagymyzyň we Arkadagly Gahryman Serdarymyzyň döwlet syýasaty: parahatçylygyň, asudalygyň we gülläp ösüşiň nusgalyk ýoly» atly şygar bilen dabaraly maslahat geçirildi.

Şäher häkimliginiň mejlisler zalynda geçirilen maslahata jemgyýetçilik guramalaryň wekilleri, bilim, medeniýet, saglygy goraýyş ulgamlarynda zähmet çekýän adamlar, il sylagly ýaşulular we mährem eneler, ýaşlar gatnaşdylar.

Maslahatyň dowamynda ýerine ýetirilen çykyşlarda ýurdumyzyň döwlet syýasatynda gazanylýan üstünlikler, ýetilýän belent sepgitler, baky Bitaraplygymyzyň esasynda alnyp barylýan daşary syýasatyň dünýä jemgyýetçiligindäki gymmaty dogrusynda uly buýsanç bilen söhbet edildi.

Tanymal bagşylaryň, ýaş ýerine ýetirijileriň ajaýyp aýdymlarynda bolsa, beýgelýän döwletimiziň hem bagtyýar halkymyzyň eşretli durmuşynyň waspy ýetirildi.