Dabaraly maslahat

«Garaşsyz, hemişelik Bitarap Türkmenistan: parahatçylygy we durnuklylygy üpjün etmek ýoly bilen» atly şygar bilen, golaýda TAP-nyň Daşoguz welaýat komitetiniň guramagynda TKA-nyň Daşoguz welaýat birleşmesiniň mejlisler zalynda maslahat geçirildi. Oňa agrar partiýanyň, demokratik partiýanyň, kärdeşler arkalaşygynyň, ýaşlar guramasynyň jogapkär işgärleri gatnaşdylar.

Maslahatyň dowamynda buýsançly şygar bilen dabaralandyrylýan şu ýylymyzda durmuşa geçirilýän beýik işleriň döwlet syýasatymyzyň ähli ugurlaryny rowaçlandyrmakda uly ähmiýete eýe bolup durýandygy barada buýsanç bilen gürrüň edildi. Halkymyz hem dünýä jemgyýetçiligi üçin amala aşyrylýan beýik işleriň dost-doganlygy, döwletleriň arasyndaky gatnaşyklary pugtalandyrýandygy, ykdysady ösüşi berkidýändigi, hemişelik Bitaraplygymyza esaslanýan daşary syýasatymyzyň mazmunyny has-da baýlaşdyrýandygy nygtaldy.