Dabaraly maslahat

Golaýda Türkmenistanyň Demokratik partiýasynyň Daşoguz welaýat komiteti bilen Gurbansoltan eje adyndaky Daşoguz lukmançylyk orta okuw mekdebiniň bilelikde guramagynda Halkara parahatçylyk we ynanyşmak ýyly mynasybetli «Parahatçylyk we ynanyşmak — döwrüň goşa ganaty» atly dabaraly maslahat geçirildi.

Lukmançylyk orta okuw mekdebiniň mejlisler zalynda geçirilen maslahatda çykyş edenler «Halkara parahatçylyk we ynanyşmak ýyly» diýlip atlandyrylan ýylda asuda, parahat, abadan durmuşda ýaşaýan halkymyzyň bu beýik mertebäni uludan dabaralandyrýandygy, parahatçylygyň, asudalygyň, ösüşiň kepili hökmünde bu şygaryň röwşen geljegimiziň sütünine öwrüljekdigi dogrusynda aýdyp geçdiler.