Dabaraly maslahat

Golaýda Daşoguz welaýatynyň  Daşoguz şäheriniň «Daşoguz» myhmanhanasynyň mejlisler zalynda dabaraly maslahat geçirildi. Daşoguz şäher häkimliginiň, TDP-niň şäher komitetiniň bilelikde guramagynda «Halk Maslahaty — döwletli ýörelgelere badalga» diýen at bilen geçirilen maslahata dürli ugurlarda zähmet çekýän partiýa işjeňleri gatnaşdylar.

Maslahatda edilen çykyşlarda döwlet bilen halkyň, jemgyýet bilen raýatyň jebisligini pugtalandyrmakda Halk Maslahatynyň uly ähmiýeti bellenip geçildi. Umumymilli forumda döwletimiziň ösüşlerini ilerletmäge, halkyň bagtyýar durmuşyny üpjün etmäge gönükdirilen taryhy çözgütleriň kabul edilýändigi, olaryň ýokary netijeleri barada söhbet edildi. Häzirki wagtda welaýatda bu foruma görülýän taýýarlyk işleri barada aýdylyp, şonuň bilen baglylykda öňde durýan wezipeler dogrusynda nygtaldy.