Bilimli nesil — Watanyň guwanjy

Daşoguz welaýat häkimliginiň, Daşoguz welaýat Baş bilim müdirliginiň hem-de «Bagtyýar eýýam» hususy kärhanasynyň bilelikde guramagynda, hünär saýlamak boýunça kämilleşdiriş sapaklary geçirildi.

Daşoguz welaýatynyň çägindäki orta mekdeplerde bilim alýan okuwçy ýaşlary hünär öwrenmäge, bilimlerini artdyrmaga we geljekde dürli ugurlar babatda üstünlik gazanmaga höweslendirmek maksady bilen geçirilen kämilleşdiriş sapaklaryna ylym-bilime höwesli ýaşlar işjeň gatnaşdylar. Daşoguz şäherindäki daşary ýurt dillerine ýöriteleşdirilen 28-nji orta mekdebiň mejlisler zalynda mekdep okuwçylarynyň arasynda geçirilen hünär saýlamak boýunça kämilleşdiriş sapagyna hem şäheriň çägindäki orta mekdeplerde bilim alýan ýokary synp okuwçylary işjeň gatnaşdylar.