«Bilimli nesil — kuwwatly Watan»

Daşoguz şäherindäki daşary ýurt dillerine ýöriteleşdirilen 25-nji orta mekdepde «Bilimli nesil — berkarar döwletimiziň röwşen geljegi» atly maslahat geçirildi. Halkara parahatçylyk we ynanyşmak ýyly hem-de hemişelik Bitaraplygymyzyň 30 ýyllygy, şeýle hem Bilimler we talyp ýaşlar güni mynasybetli TKA-nyň Daşoguz welaýat birleşmesiniň welaýat Baş bilim müdirligi bilen bilelikde guramagynda geçen maslahata KA-nyň işjeň agzalary, welaýatyň bilim-terbiýeçilik edaralarynyň işgärleri uly ruhubelentlik bilen gatnaşdylar.

Çykyş edenler Berkarar döwletiň täze eýýamynyň Galkynyşy döwründe milli bilim ulgamynda gazanylýan üstünlikler, durmuşa geçirilýän döwrebap özgertmeler hakynda buýsanç bilen nygtadylar.