Beýik şahyryň sarpasy

Akyldar şahyrymyz Magtymguly Pyragynyň doglan gününiň 300 ýyllygy mynasybetli giň gerimli dabaraly çäreler, maslahatlar, duşuşyklar uly ähmiýete eýe bolýar. Golaýda «Gahryman Arkadagymyzyň ylhamynda Pyragy» diýen at bilen TKA-nyň welaýat birleşmesiniň guran maslahatyna dokma, senagat, gurluşyk pudaklaryna dahylly edara-kärhanalaryň KA-nyň işjeň agzalary, işçi-hünärmenleri gatnaşdylar.

Daşoguzyň «Çeper» tikin fabriginiň mejlisler eýwanynda geçirilen maslahatda hormatly Prezidentimiziň, Gahryman Arkadagymyzyň tagallalary bilen beýik akyldaryň gymmatly edebi mirasynyň diňe bir öz ýurdumyzda däl, eýsem, dünýä derejesinde sarpalanylýandygy, şahyryň şygyrlarynyň düýpli öwrenilýändigi nygtaldy.