Belent hormatyň dabaralanmagy
weather dashoguz 5° C Daşoguz

Belent hormatyň dabaralanmagy

Jemgyýet
06.03.2026  142

Hormatly Prezidentimiziň degişli Buýrugyna laýyklykda, ýurdumyzda körpeje gyzjagazlardan başlap, kümüş saçly enelerimize çenli baýramçylyk mynasybetli pul sowgatlarynyň gowşurylmagy bahar paslynyň ilkinji günlerinde giňden bellenilýän Halkara zenanlar gününiň dabaralary bilen utgaşyp, özboluşly sazlaşygy emele getirýär.

Şu mynasybetli Daşoguz şäherindäki iňlis dili dersine ýöriteleşdirilen 29-njy orta mekdepde dabara geçirildi. Bu ýerde bilim alýan gyzlara hormatly Prezidentimiziň adyndan pul sowgatlary dabaraly ýagdaýda gowşuryldy. Pul sowgatlaryny alan gyzlar ony maňlaýlaryna sylyp, uly buýsanç bilen kabul etdiler. Dabaranyň dowamynda çykyş edenler gyz-gelinleriň mertebesini beýgeldip, olaryň durmuşdaky ornuna mynasyp baha berýän hormatly Prezidentimiziň adyna hoşallyk sözlerini aýtdylar.

Hormatly Prezidentimiziň adyndan pul sowgatlaryny gowşurmak dabaralary welaýatyň ähli edara-kärhanalarynda, guramalarynda, mekdebe çenli çagalar edaralarynda, orta mekdeplerinde, ýokary we orta hünär okuw mekdeplerinde ýokary guramaçylyk derejesinde geçirildi. Pul sowgatlaryny alan gyz-gelinler ony maňlaýlaryna sylyp, ýagşy arzuw-dileglerini beýan etdiler. Dabaralarda türkmen zenanlaryny mertebeläp, bagtyýar döwürde ýaşadýan hormatly Prezidentimiziň adyna tüýs ýürekden alkyşly sözler aýdyldy.

Meňzeş habarlar

Jemgyýet Il saglygy – ýurt baýlygy
06.07.2024   528
Jemgyýet Täze taryhy döwrüň waspçylary
03.12.2025   234
Jemgyýet Düzgünler berjaý edilmelidir
04.09.2024   474
Jemgyýet Baýramçylyk dabarasy
05.10.2026   80
Jemgyýet «Ekologik medeniýet» atly festiwal
11.11.2024   422
Jemgyýet Täsirli geçen maslahat
16.02.2023   464
Jemgyýet Çaý
29.07.2025   261
image