Belent hormatyň dabaralanmagy

Halkara zenanlar güni mynasybetli, «Parahat we abadan Diýaryň bagtyýar eneleri» atly şygar bilen Daşoguz welaýat häkimliginiň mejlisler zalynda baýramçylyk dabarasy geçirildi. Oňa jemgyýetçilik guramalarynyň wekilleri, mährem eneler, dürli ugurlarda zähmet çekýän zenanlar, ýaşlar gatnaşdylar.

Dabarada guralan çykyşlarda zenanlaryň döwlet durmuşyndaky orny, Gahryman Arkadagymyzyň hem-de Arkadagly Gahryman Serdarymyzyň zenan mertebesini beýgeltmek bilen bagly durmuşa geçirýän beýik işleri dogrusynda uly buýsanç bilen aýdyldy.

Soňra baýramçylyk dabarasyna gatnaşýan mährem enelere welaýat häkimliginiň hem-de welaýat jemgyýetçilik guramalarynyň adyndan baýramçylyk sowgatlary dabaraly ýagdaýda gowşuryldy.

Dabaranyň dowamy aýdym-sazly çykyşlara utgaşdy. Ussatlyk bilen ýerine ýetirilen edebi-sazly çykyşlarda, belentden ýaňlanan ajaýyp aýdym-sazlarda mähriban eneleriň, baýdak boýly gyz-gelinleriň, olar hakda döwlet derejesinde edilýän aladalaryň waspy ýetirildi.