Baýramçylyk sowgatlary gowşuryldy

Berkarar döwletimize şatlyk-şowhun paýlap gelen Täze ýyl baýramçylygy mynasybetli dabaralar Daşoguz welaýatynyň bagtyýar çagalary üçin hem ýatdan çykmajak pursatlara beslenýär. Daşoguz welaýat häkimliginiň guramagynda «Bagt köşgi» toý-dabaralar merkezinde döwletli çagalara baýramçylyk sowgatlary gowşuryldy.

Baýramçylyk dabarasynda çykyş edenler ýurdumyzda ýaş nesil hakyndaky aladanyň döwlet syýasatynyň ileri tutulýan ugurlarynyň biri bolup durýandygyny bellediler.

Soňra aýdym-sazyň hoş owazy astynda bagtyýar çagalara Türkmenistanyň Prezidentiniň we türkmen halkynyň Milli Lideri Gahryman Arkadagymyzyň adyndan baýramçylyk sowgatlary gowşuryldy. Kalby şatlykdan doly körpeler özleriniň ýürek joşgunyny ajaýyp goşgularyňdyr aýdymlaryň üsti bilen beýan etdiler. Dabarada welaýatyň çagalar sungat mekdepleriniň ýaş zehinleri aýdym-sazly çykyşlary ýerine ýetirdiler.