Baýramçylyk şatlygy

TDP-niň Daşoguz welaýat komitetiniň welaýatyň Şabat etrap häkimligi we etrabyň medeniýet bölümi bilen bilelikde guramagynda «Batly gadam urup rowaç Watana, hoş geldiň Täze ýyl, salam Täze ýyl!» atly baýramçylyk konserti geçirildi. Dabaraly konserte etrabyň bilim, medeniýet, saglygy goraýyş ulgamynyň işgärleri, bagtyýar raýatlar gatnaşdylar.

Etrabyň Altyn ýol geňeşligindäki Dilewar oba medeniýet öýünde geçirilen konsertiň dowamynda ýerine ýetirilen aýdym-sazly çykyşlarda ýurdumyzda durmuşa geçirilýän beýik işler,  gazanylýan üstünlikler, Täze ýyl baýramçylygynyň joşgunly waspy belentden ýetirildi. Baýramçylyk konsertiniň dowamynda ýerine ýetirilen çykyşlarda ajaýyp döwrümiziň her bir ýylynyň biri-birinden zyýada gelýändigi, döwrümiziň galkynýandygy joşgunly beýan edildi.