Baýramçylyk joşgunyna beslenen dabaralar

«Pähim-paýhas ummany Magtymguly Pyragy» ýylynda giňden bellenilýän mukaddes Garaşsyzlygymyzyň 33 ýyllyk baýramçylygy mynasybetli geçirilýän dabaralar uly ruhy joşguna beslenýär. Daşoguz welaýat kitaphanasynda «Garaşsyzlyk – parahatçylygyň we dostlugyň gözbaşy» diýen şygar bilen geçirilen «tegelek stoluň» başyndaky söhbetdeşlik hem täsirli pursatlara baý boldy. Daşoguz welaýat Medeniýet müdirligi bilen welaýat kitaphanasynyň guramagynda geçirilen söhbetdeşlige kitaphana işgärleri gatnaşdylar.

Söhbetdeşligiň dowamynda çykyş edenler Garaşsyzlyk ýyllarynda ýetilen sepgitler barada buýsançly gürrüň etdiler. Şeýle hem çykyşlaryň dowamynda Garaşsyzlygyň parahatçylygy, dost-doganlygy berkitmekdäki ähmiýeti barada aýratyn durlup geçildi.

Söhbetdeşlige gatnaşyjylar soňra bu ýerde baýramçylyk mynasybetli guralan kitap sergisini synladylar.