Baýramçylyk dabarasy geçirildi

Halkara Bitaraplyk güni mynasybetli Beki Seýtäkow adyndaky mugallymçylyk mekdebiniň mejlisler zalynda «Bitaraplyk, parahatçylyk we dost-doganlyk bakydyr» atly baýramçylyk dabarasy geçirildi. Dabara mekdebiň mugallymlary we talyp ýaşlary gatnaşdylar.

Dabarada çykyş edenler «Pähim-paýhas ummany Magtymguly Pyragy» ýylymyzda halkymyzyň hemişelik Bitaraplygymyzyň 29 ýyllyk şöhratly senesine mynasyp zähmet sowgatlary bilen barýandyklary barada belläp geçdiler. Garaşsyz, hemişelik Bitarap döwletimiziň alyp barýan oňyn daşary syýasatynyň netijesinde, ýurdumyzyň birnäçe abraýly halkara guramalaryň agzalygynda Bitaraplyk derejesine esaslanyp, bütin dünýäde sazlaşykly ykdysady ösüşiň hemde parahatçylygyň pugtalanmagyna öz saldamly goşandyny goşýandygyny nygtadylar.

Dabaranyň dowamynda baýramçylyk mynasybetli aýdym-sazly çykyşlar giňden ýaýbaňlandyryldy.