Bank ulgamynyň ösüşli  menzillerine bagyşlandy

Türkmen manadynyň dolanyşyga girizilen güni mynasybetli, TDP-niň Daşoguz welaýat komitetiniň, Türkmenistanyň Merkezi bankynyň Daşoguz welaýat şahamçasynyň bilelikde guramagynda «Türkmen manady — ýurdumyzyň üstünlikli ösüşiniň nyşany» atly maslahat geçirildi.

Maslahatyň dowamynda çykyş edenler ýurdumyzda ykdysadyýetimiziň pudaklarynyň durnukly ösüşini üpjün etmekde milli manadymyzyň ähmiýeti barada durup geçdiler. Çykyşlarda hormatly Prezidentimiziň baştutanlygynda bank ulgamynyň işine sanly ulgamy ornaşdyrmak, maliýe-karz ulgamyny döwrebaplaşdyrmak, ilata edilýän bank hyzmatlarynyň görnüşini artdyrmak bilen bagly geçirilýän özgertmeleriň ähmiýeti bellenildi.