Baky bagtyň mekany

Daşoguz welaýatynyň Köneürgenç etrabyndaky 58-nji orta mekdepde «Türkmenistan — baky bagtyň mekany» ady bilen «tegelek stoluň» başynda söhbetdeşlik guraldy. Oňa etrabyň syýasy-jemgyýetçilik guramalarynyň wekilleri, işjeň agzalary hem-de şu mekdebiň mugallymlary gatnaşdylar. Söhbetdeşlikde ýurdumyzyň halkara giňişlikdäki öňe sürýän asylly başlangyçlarynyň üstünlikli amala aşyrylýandygy, döwletimiziň beýik ösüşlere beslenýändigi, halk bähbitli, umumadamzat ähmiýetli beýik işleriň durmuşa geçirilýändigi beýan edildi.

Söhbetdeşlige gatnaşanlar bedew batly ösüşlere beslenýän Watanymyzyň halkara abraýyny artdyryp, ýurdumyzyň nusgalyk ösüşlerini dünýä ýüzünde tanatmakda uly işleri durmuşa geçirýän Gahryman Arkadagymyzyň we Arkadagly Gahryman Serdarymyzyň janlarynyň sag, ömürleriniň uzak bolmagyny, il-ýurt bähbitli tutumly işleriniň elmydama rowaç almagyny arzuw etdiler.