Bagtyýar nesilleriň dilleriniň senasy

Halkara parahatçylyk we ynanyşmak ýyly hem-de Halkara Bitaraplyk güni mynasybetli «Bagt köşgi» toý dabaralar merkezinde «Bitaraplyk — köňülleriň senasy, Berkarar döwletiň bagtyýar nesli» atly döredijilik bäsleşigi geçirildi. Daşoguz welaýat häkimliginiň, welaýat Baş bilim müdirliginiň hem-de jemgyýetçilik guramalarynyň guramagynda geçen bäsleşik uly ruhubelentlige beslenip, bagtyýar nesilleriň ýürek buýsanjynyň beýanyna öwrüldi.

Güneşli Diýarymyzyň gül-gunçalary bolan bagtyýar çagalar dost-doganlyk halklarynyň milli lybaslarynda milli tanslary, şowhunly aýdym-sazlary ýerine ýetirdiler. Bäsleşigiň netijesine görä, Daşoguz şäheriniň 12-nji çagalar bakja-bagynyň topary birinji, daşary ýurt dilini çuňlaşdyryp öwredýän ýöriteleşdirilen 39-njy çagalar bakja-bagynyň topary ikinji, 15-nji çagalar bakja-bagynyň topary üçünji orunlary eýelediler. Bäsleşigiň ýeňijileri Hormat hatlary we sowgatlar bilen sylaglanyldy.