Bagtyýar çagalar wagtlaryny hoş geçirýärler

Şu günler bagtyýar çagalaryň tomusky dynç alyş möwsümini gyzykly we täsirli geçirmeklerini gazanmak maksady bilen, Türkmenistanyň Magtymguly adyndaky Ýaşlar guramasynyň welaýat, etrap geňeşleri tarapyndan meýilnamalaýyn bäsleşikler hem-de ýaryşlar geçirilýär.

Şeýle ýaryşlaryň biri golaýda TMÝG-niň Akdepe etrap geňeşiniň guramagynda Daşoguz welaýatyndaky «Bagtyýar nesil» çagalar sagaldyş we dynç alyş merkezinde kiçi futbol boýunça geçirildi. Onda «Şatlyk» we «Jeýhun» toparlary özara ýaryşdylar. Gyzykly we çekeleşikli ýagdaýda geçen bäsleşikde «Jeýhun» topary ýeňiji boldy. Ýaryşda ýeňiji bolan topara TMÝG-niň Akdepe etrap geňeşi tarapyndan ýadygärlik sowgatlary gowşuryldy.