«Awazada» guralan okuw maslahaty

Türkmenistanyň Kärdeşler arkalaşyklarynyň Milli merkeziniň «Daýanç» dynç alyş-sagaldyş merkezinde Türkmenistanyň gurluşyk we senagat, awtoulag we ýol hojalyk hem-de söwda we telekeçilik ulgamlarynyň KA-nyň geňeşleri bilelikde «Bitarap döwletde ýurdum parahat, miwesini berýär goralýan zähmet» ady bilen okuw maslahatyny guradylar.

Maslahatda şanly ýylymyzyň guwandyryjy wakalaryny, Türkmenistanyň Bitaraplygynyň 30 ýyllygyny dabaralandyrmak, «Berkarar döwletiniň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasyndan» gelip çykýan wezipeleri üstünlikli ýerine ýetirmekde öňde durýan uly wezipeler dogrusynda giňişleýin gürrüň edildi, kärdeşler arkalaşyklarynyň wezipeleri kesgitlendi.

Okuw maslahatynyň dowamynda  deňziň kenaryna guralan gezelençler, sport ýaryşlary göwünlere joşgun berdi.