Awaza forumuna bagyşlanyldy

TKA-nyň Daşoguz welaýat birleşmesiniň guramagynda «BMG-niň Awaza forumy-durnukly ösüşiň we parlamentara gatnaşyklaryň bähbidine» atly dabaraly maslahat geçirildi. Birleşmäniň mejlisler eýwanynda guralan bu maslahat golaýda Hazar deňziniň gözel kenarynda BMG-niň Deňze çykalgasy bolmadyk ösüp barýan ýurtlar boýunça üçünji maslahatynyň üstünlikli geçirilmegine bagyşlanyldy. Oňa TKA-nyň Daşoguz welaýat birleşmesiniň ýolbaşçylary, hünärmenleri, edara-kärhanalaryň KA-nyň ilkinji guramalarynyň başlyklary, işjeň agzalary gatnaşdylar.

Maslahatda çykyş edenler BMG-niň şeýle uly halkara çäresiniň ýurdumyzda geçirilmeginiň ähmiýetini giňişleýin gürrüň berdiler hem-de onuň üstünlikli geçirilmegi üçin zerur şertleriň döredilmegi barada çäksiz alada eden türkmen halkynyň Milli Lideri Gahryman Arkadagymyza we hormatly Prezidentimiz Arkadagly Gahryman Serdarymyza tüýs ýürekden çykýan alkyş sözlerini aýtdylar, il-ýurt bähbitli işleriniň, ata Watanymyzyň abraý-mertebesini has-da belende götermek ugrundaky tagallalarynyň mundan beýläk hem rowaç bolmagyny arzuw etdiler.