At-owazy giň jahana ýaýramyş
weather dashoguz 10° C Daşoguz

At-owazy giň jahana ýaýramyş

Jemgyýet
08.02.2025  424

Daşoguz welaýat Taryhy we ülkäni öwreniş muzeýinde TAP-nyň welaýat komitetiniň, TDP-niň Daşoguz şäher komitetiniň, TMÝG-niň Daşoguz şäher geňeşiniň bilelikde guramagynda «Galkynyş» milli at üstündäki oýunlar toparynyň Monte-Karlo şäherinde geçirilen 47-nji halkara sirk sungaty festiwalynda üstünlikli çykyş edip, Altyn baýraga we beýleki ýörite baýraklara mynasyp bolmagy mynasybetli maslahat geçirildi.

Dabarada çykyş edenler bu üstünligiň Halkara parahatçylyk we ynanyşmak ýylynyň sene ýazgysynda mynasyp orun eýelejek taryhy-syýasy ähmiýetli wakadygy hakynda buýsanç bilen nygtadylar. Bu hoş habar bagtyýar halkymyzyň göwün guşuny ganatlandyryp, täze taryhy döwürde gazanylýan ägirt uly ösüşleriň, halkara giňişliginde ýurdumyzyň gazanýan syýasy üstünlikleriniň bedew batly depginini alamatlandyrdy. Türkmen halkynyň Milli Lideri Gahryman Arkadagymyzyň tagallasy bilen 2007-nji ýylda döredilen «Galkynyş» milli at üstündäki oýunlar toparynyň çykyşlary halkymyzyň mirasy bilen berk baglanyşykly bolup, olarda gadymy milli oýunlaryň, däp-dessurlaryň naýbaşy nusgalary döwrebap görnüşde şöhlelenýär. Toparyň gazanan deslapky üstünligi milli mirasymyzyň, seýisçilik we atçylyk sportunyň abraý-mertebesiniň bütin dünýäde dabaralanýandygynyň nobatdaky aýdyň subutnamasydyr.

Meňzeş habarlar

Jemgyýet Işjeň geçen duşuşyk
29.05.2026   225
Jemgyýet Umumadamzat ähmiýetli başlangyçlar
11.08.2025   249
Jemgyýet Ajaýyp şygryň nurly ýalkymy
17.01.2025   474
Jemgyýet Okuw maslahaty guraldy
18.03.2024   587
Jemgyýet Baýramçylyga bagyşlanan dabara
26.11.2025   233
Jemgyýet Ýaşaýyş hakynda aýdym
20.05.2024   574
image