Asyra ulaşan ömür

Hakyň peşgeşi

Berkarar döwletiň täze eýýamynyň Galkynyşy döwri ajaýyp rowaçlyklary bilen ýurdumyzyň her bir raýatynyň kalbyna nur bolup çaýylýar. Şeýle ömür peşgeşli adamlaryň biri ildeşimiz, Şabat etrabynyň Şöhrat geňeşliginiň ýaşaýjysy, 104 ýaşy arka atan mährem ene Sadat Nurmedowadyr. 8 perzendinden 27 agtygyny, 50-den gowrak çowlugyny, 3 ýuwlugyny töweregine üýşürip oturan, mähek daşy kimin mähriban ynsanyň ömür ýoly ýaşlara nusgalyk mekdepdir.

Sadat ene gürrüňdeşlikde ýaşlyk ýyllarynyň, gelinlik döwrüniň kynçylykly durmuşa gabat gelendigini, ýagty ertirler baradaky inçe umytlaryň özlerine hemişe güýç-gaýrat berendigini ýatlaýar.

Sadat ene bilen onuň döwletli ojagynda didarlaşyp, gürrüňdeş bolanymyzda hem şeýle duýgular durky-düýrmegimizi doly gurşap aldy. Alladan ömür peşgeşli ynsanyň teperrik durky, şükranalygy, öwüt-ündewleri kalbymyza dolup, Watan öňündäki perzentlik borjumyzy mundan beýläk hem ak ýürekden, päk zähmetimiz bilen haklamaga hyjuw berdi.