Ajaýyp şygryň nurly ýalkymy

Türkmen halkynyň Milli Lideri Gahryman Arkadagymyzyň «Türkmenistan — parahatçylygyň we ynanyşmagyň Watany» atly goşgusy täze taryhy döwürde berkarar döwletimiziň bütin dünýäde uly ähmiýete eýe bolýan parahatçylyk, ynanyşmak we hoşniýetlilik ýörelgesini, baky Bitaraplyk syýasatyny has-da dabaralandyrýan ajaýyp eserdir. Bu şygyr gözel Diýarymyzda amala aşyrylýan beýik işlere öz goşandyny goşýan bagtyýar halkymyza ruhy joşgun bagyşlaýar. Muňa Gahryman Arkadagymyzyň ajaýyp goşgusy, şeýle hem şanly ýylyň şygary mynasybetli geçirilýän dabaralaryň, maslahatlaryň mysalynda hem aýdyň göz ýetirmek mümkin.

Daşoguz welaýat Medeniýet müdirliginiň hem-de «Daşoguz habarlary» gazetiniň redaksiýasynyň guramagynda welaýat kitaphanasynda geçirilen döredijilik duşuşygy Halkara parahatçylyk we ynanyşmak ýylyna hem-de Gahryman Arkadagymyzyň «Türkmenistan — parahatçylygyň we ynanyşmagyň Watany» atly goşgusyna bagyşlanyp, bagtyýar halkymyzyň belent buýsanjynyň aýdyň beýanyna öwrüldi. Onda guralan çykyşlarda Gahryman Arkadagymyzyň ajaýyp şygrynyň täze taryhy döwürde şanly ýylyň şygaryna, dünýäniň parahatçylyk senasyna öwrülendigi hakynda aýratyn nygtaldy.