Açyk gapylar güni

Daşoguz welaýatynyň Boldumsaz etrap bilim bölüminiň guramagynda etrapdaky 3-nji orta mekdepde «Açyk gapylar» güni bellenilip geçildi. Oňa etrabyň mekdep müdirleri, bilim bölüminiň hünärmenleri, mekdepleriň ýaş mugallymlary gatnaşdylar. Mekdebiň mugallymlarynyň guran göreldeli sapaklary täsirli boldy. Guramaçylykly we işjeň ýagdaýda geçen sapaklaryň dowamynda oňa gatnaşyjylar özara pikir alşyp, iş tejribelerini paýlaşdylar.

Mekdepde el işleriniň sergisi guraldy we ol çärä gatnaşanlarda uly gyzyklanma döretdi. Açyk gapylar gününiň dowamy çeper höwesjeň okuwçylaryň ýerine ýetiren aýdym-sazlary bilen utgaşdy.