Abadançylygyň kepili

Her ýyl ýokary guramaçylyk bilen geçirilýän «Ýol hereketiniň howpsuzlygy — ömrümiziň rahatlygy» atly biraýlygyň düýp mazmunynda berkarar döwletimizde her bir ynsanyň saglygy, maşgala abadançylygy hakynda edilýän ägirt uly aladalar aýdyň şöhlelenýär.

Ýol hereketiniň howpsuzlygy jemgyýetçilik ähmiýetine eýe bolup, onuň kadalarynyň berk berjaý edilmegi zerurdyr. Halkara parahatçylyk we ynanyşmak ýylynyň sentýabr aýynda badalga berlen bu ählihalk çäresine dürli kärde zähmet çekýän, dürli ýaşdaky adamlar işjeň gatnaşýarlar. Ýeri gelende bellesek, ýol hereketiniň howpsuzlygynyň biraýlygynyň dowam edýän günlerinde çagalar baglarynda, orta we ýokary okuw mekdeplerinde, edara-kärhanalarda biraýlygyň maksady we ähmiýeti barada, ýol hereketiniň kadalary, ýol-ulag hadysalarynyň öňüni almak bilen baglanyşykly wagyz-nesihat çäreleri yzygiderli geçirilýär.

«Ýol hereketiniň howpsuzlygy — ömrümiziň rahatlygy» atly biraýlyk ýol-ulag hadysalarynyň öňüni almakda, ömrümiziň rahatlygyny üpjün etmekde uly ähmiýete eýedir.