Daşoguz şäherindäki 6-njy sport mekdebinde 2008-nji ýylda doglan türgenlerden düzülen toparlaryň arasynda woleýbol boýunça mekdebiň açyk birinjiligi geçirildi. Ýaryşa etraplaryň, Daşoguz şäheriniň sport mekdeplerinden woleýbol toparlary gatnaşdylar. Ýaryş örän gyzykly we çekeleşikli häsiýete eýe boldy. Netijede, Daşoguz şäherindäki 6-njy sport mekdebiniň topary üstünlikli çykyş edip, birinji orna mynasyp boldy. Akdepe etrabynyň topary ikinji, Görogly etrabynyň topary bolsa, üçünji orunlary eýelemegi başardylar. Ýeňijilere ýaryşy guraýjylar tarapyndan Hormat hatlary we sowgatlar gowşuryldy.

Gyzykly geçen ýaryş Ýaş olimpiýaçylary taýýarlaýan sport mekdep-internatlarynyň düzümine welaýatlardan, Aşgabat we Arkadag şäherlerinden dalaşgär türgenleri saýlap-seçip almak üçin grek-rim we erkin göreş boýunça ýetginjek türgenleriň arasynda geçen ýaryşa Daşoguz welaýatyndan hem türgenler gatnaşdylar. Olar üstünlikli çykyş edip, baýrakly orunlary eýelediler. Grek-rim göreşi boýunça geçen ýaryşa welaýatdan gatnaşan türgenlerden öz agram derejelerinde Hudaýnazar Ýoldaşow, Azat Gaýypow dagy birinji, Fahreddin Satlykow, Süleýman Kulamisinow, Şanur Allanurow dagy ikinji, Saparmyrat Sabirow, Izzatbek Adylbekow dagy üçünji orunlary eýelediler. Erkin göreş boýunça öz agramlarynda Kerim Berdiýew, Alihan Koçkarbaýew dagy ikinji, Kudrat Rozymow, Rahman Kabaýew dagy üçünji orunlary eýelediler. Ýaryşda Boldumsaz etrabyndaky 2-nji sport mekdebiniň tälimçisi Hoşgeldi Nobatmyradowyň hem-de Daşoguz şäherindäki 2-nji sport mekdebiniň tälimçisi Baýram Sapargeldiýewiň türgenleri has ýokary netijeleri görkezdiler.

Yhlasyň ýerine düşende şeýle bolýan eken. Hakyt, maksadyňa erjel bolup, müşgilinden eýmenmeseň, gazananyň üstünlik, aljagyň abraýdyr alkyş bolýandygy durmuşda göre-göre gelinýär. Munuň şeýledigine ajaýyp döwrümizde özleri hakynda edilýän aladalardan ruhlanýan ýaşlaryň dürli ugurlarda kämilligiň basgançaklary bilen barha belende galyp, gazanýan üstünlikleriniň mysalynda aýdyň göz ýetirmek mümkin. Daşoguz welaýatynyň Daşoguz şäherindäki 7-nji orta mekdebiň okuwçysy Amir Ýoldaşow hem şeýle ýaşlaryň biridir. On bäş ýaşyndaky türgen Daşoguz şäherindäki 5-nji sport mekdebinde sportuň boks görnüşi bilen türgenleşip, indi ençeme ýyllardan bäri mekdebiň açyk birinjiliklerinde, etrap hem-de welaýat derejesinde geçirilýän ýaryşlarda baýrakly orunlara mynasyp bolup gelýär. Ol öz agram derejesinde 2022-nji ýylda 2010-2011-nji ýyllarda doglan türgenleriň arasynda boks boýunça geçirilen welaýatyň açyk birinjiliginde üçünji, 2023-nji ýylda Daşoguz şäherindäki 7-nji sport mekdebinde ýetginjek türgenleriň arasyndaky Türkmenistanyň açyk birinjiliginde ikinji orunlara mynasyp boldy. Amir 2024-nji ýylda Boldumsaz etrabyndaky 2-nji sport mekdebinde ýetginjek türgenleriň arasynda geçirilen açyk birinjilik ugrundaky ýaryşda birinji, Daşoguz şäherindäki 5-nji sport mekdebiniň açyk birinjiliginde ikinji orunlary eýeledi. Halkara parahatçylyk we ynanyşmak ýylynda geçirilen ýaryşlar hem ýaş türgene uly üstünlik getirdi. Ýylyň başynda Boldumsaz etrabynda geçirilen boks boýunça açyk birinjilikde, şeýle hem Ahal welaýatynyň ýaş olimpiýaçylary taýýarlaýan sport mekdep-internatynyň açyk birinjiliginde birinji orny eýeledi. Sport ýaşlyk joşgunyny, onuň egsilmeýän ruhy güýjüni özünde jemleýär. Ýurduň geljegi bolsa, häzirki bagtly nesillere bagly.Ýurdumyzda ýaşlaryň ählitaraplaýyn kämil şahsyýet bolup ýetişmegi, beden taýdan sagdynlygy, ruhy-ahlak tämizligi babatda irginsiz alada edilýändigi täze taryhy döwürde kemala gelýän ýaş nesliň mysalynda aýdyň şöhlelenýär.

Döwlet edaralarynyň işgärleriniň hem-de agrosenagat işgärleriniň KA-nyň Daşoguz şäher geňeşleriniň bilelikde guramagynda Daşoguz welaýat maliýe-ykdysady orta hünär okuw mekdebinde küşt we tanap çekmek boýunça ýaryşlar geçirildi. Olarda welaýat maliýe-ykdysady orta hünär okuw mekdebiniň hem-de Daşoguz agrosenagat orta hünär okuw mekdebiniň talyplary özara güýç synanyşdylar. Küşt boýunça toparlaýyn geçen ýaryşyň netijesi boýunça Daşoguz welaýat maliýe-ykdysady orta hünär okuw mekdebiniň, tanap çekmek boýunça Daşoguz agrosenagat orta hünär okuw mekdebiniň talyplary ýeňiş gazandylar. Ýaryşyň ýeňijileri Hormat hatlary we baýraklar bilen sylaglanyldy.

Halkara parahatçylyk we ynanyşmak ýylyny dabaralandyrmak, şeýle hem ýaşlaryň arasynda sagdyn durmuş ýörelgesini we sport işjeňligini ýaýbaňlandyrmak maksady bilen, Türkmenistanyň Bedenterbiýe we sport baradaky döwlet komitetiniň hem-de Türkmenistanyň milli woleýbol federasiýasynyň guramagynda Daşoguz şäherindäki 4-nji sport mekdebinde woleýbol boýunça 2007-2008-nji ýyllarda doglan ýetginjek türgenleriň arasynda Türkmenistanyň birinjiligi geçirildi. Ýetginjek gyzlardan we oglanlardan düzülen toparlaryň arasyndaky gyzgalaňly we çekeleşikli häsiýete eýe bolan oýunlar türgenleriň bu ýaryşa ýokary derejede taýýarlykly gelendigini görkezdi. Ýaryşyň netijesine görä, gyzlaryň arasynda Daşoguz welaýatynyň topary birinji, Lebap we Balkan welaýatlarynyň toparlary ikinji we üçünji orunlara mynasyp boldular. Oglanlaryň arasyndaky oýunlarda Lebap, Mary welaýatlarynyň we Aşgabat şäheriniň toparlary, degişlilikde, baýrakly orunlary eýelediler. Ýeňiş gazanan toparlaryň türgenleri Hormat hatlary, medallar we sowgatlar bilen sylaglanyldy.

Halkara zenanlar güni mynasybetli, Daşoguz welaýat häkimliginiň hem-de bedenterbiýe we sport baradaky Baş müdirliginiň bilelikde guramagynda «Sport — sagdynlyk we ruhubelentlik» atly şygar bilen welaýatyň oba hojalyk, senagat, gurluşyk, ulag, aragatnaşyk we ykdysadyýet, medeni-durmuş ulgamlaryna degişli edara-kärhanalarynda, jemgyýetçilik guramalarynda, harby we hukuk goraýjy edaralarynda zähmet çekýän zenanlaryň, «Sport — sagdynlyk» atly şygar bilen ýokary we ýörite orta okuw mekdepleriniň zenan mugallymlarynyň we talyp gyzlarynyň arasynda sportuň woleýbol, stoluň üstünde oýnalýan tennis, küşt we şaşka görnüşleri boýunça ýaryşlar ýokary guramaçylyk derejesinde geçirildi. Netijede, sportuň woleýbol görnüşi boýunça mugallymlaryň arasynda Beki Seýtäkow adyndaky mugallymçylyk mekdebiniň topary 1-nji, Gurbansoltan eje adyndaky Daşoguz lukmançylyk orta okuw mekdebiniň topary 2-nji, Daşoguz agrosenagat orta hünär okuw mekdebiniň topary 3-nji, talyplaryň arasynda Beki Seýtäkow adyndaky mugallymçylyk mekdebiniň topary 1-nji, Türkmen oba hojalyk institutynyň topary 2-nji, Daşoguz agrosenagat orta hünär okuw mekdebiniň topary 3-nji, oba hojalyk, senagat, gurluşyk, ulag, aragatnaşyk we ykdysadyýet, medeni-durmuş ulgamlaryna degişli edara-kärhanalarda, jemgyýetçilik guramalarynda zähmet çekýän zenanlaryň arasynda welaýat Baş bilim müdirliginiň topary 1-nji, welaýat Saglygy goraýyş müdirliginiň topary 2-nji, gurluşyk toplumynyň topary 3-nji, harby we hukuk goraýjy edaralaryň işgärleriniň arasynda welaýat Polisiýa müdirliginiň topary 1-nji, TGM-niň harby bölüminiň topary 2-nji, welaýat Gümrük gullugynyň topary 3-nji orna mynasyp boldy. Sportuň stoluň üstünde oýnalýan tennis görnüşi boýunça mugallymlaryň arasynda Magtymguly Garlyýew adyndaky ýörite sungat mekdebiniň, Beki Seýtäkow adyndaky mugallymçylyk mekdebiniň, welaýat maliýe-ykdysady orta hünär okuw mekdebiniň mugallymlary, talyplaryň arasynda Türkmen oba hojalyk institutynyň, Magtymguly Garlyýew adyndaky ýörite sungat mekdebiniň, Beki Seýtäkow adyndaky mugallymçylyk mekdebiniň talyplary, oba hojalyk, senagat, gurluşyk, ulag, aragatnaşyk we ykdysadyýet, medeni-durmuş ulgamlaryna degişli edara-kärhanalarda, jemgyýetçilik guramalarynda zähmet çekýän zenanlaryň arasynda welaýat Baş bilim müdirliginiň, gurluşyk toplumynyň, welaýat Saglygy goraýyş müdirliginiň işgärleri, harby we hukuk goraýjy edaralaryň işgärleriniň arasynda welaýat Polisiýa müdirliginiň, TGM-niň harby bölüminiň, welaýat RÝNÝ bölüminiň işgärleri, degişlilikde, 1-2-3-nji orunlary eýelediler. Sportuň küşt görnüşi boýunça mugallymlaryň arasynda Beki Seýtäkow adyndaky mugallymçylyk mekdebiniň, Daşoguz agrosenagat orta hünär okuw mekdebiniň, Gurbansoltan eje adyndaky Daşoguz lukmançylyk orta okuw mekdebiniň mugallymlary, talyplaryň arasynda welaýat maliýe-ykdysady orta hünär okuw mekdebiniň, Daşoguz agrosenagat orta hünär okuw mekdebiniň, Magtymguly Garlyýew adyndaky ýörite sungat mekdebiniň talyplary, oba hojalyk, senagat, gurluşyk, ulag, aragatnaşyk we ykdysadyýet, medeni-durmuş ulgamlaryna degişli edara-kärhanalarda, jemgyýetçilik guramalarynda zähmet çekýän zenanlaryň arasynda welaýat Zähmet we ilatyň iş bilen üpjünçilik müdirliginiň, welaýat Baş bilim müdirliginiň, oba hojalyk toplumynyň işgärleri, harby we hukuk goraýjy edaralaryň işgärleriniň arasynda kazyýet edarasynyň, harby ulgamyň, welaýat Polisiýa müdirliginiň işgärleri degişli orunlary eýelediler. Sportuň şaşka görnüşi boýunça mugallymlaryň arasynda Gurbansoltan eje adyndaky Daşoguz lukmançylyk orta okuw mekdebiniň, Beki Seýtäkow adyndaky mugallymçylyk mekdebiniň, Türkmen oba hojalyk institutynyň mugallymlary, talyplaryň arasynda Daşoguz agrosenagat orta hünär okuw mekdebiniň, Beki Seýtäkow adyndaky mugallymçylyk mekdebiniň, Magtymguly Garlyýew adyndaky ýörite sungat mekdebiniň talyplary, oba hojalyk, senagat, gurluşyk, ulag, aragatnaşyk we ykdysadyýet, medeni-durmuş ulgamlaryna degişli edara-kärhanalarda, jemgyýetçilik guramalarynda zähmet çekýän zenanlaryň arasynda welaýat Saglygy goraýyş müdirliginiň, welaýat Baş bilim müdirliginiň, gurluşyk toplumynyň işgärleri, harby we hukuk goraýjy edaralaryň işgärleriniň arasynda welaýat Gümrük gullugynyň, harby ulgamyň, kazyýet edarasynyň işgärleri ýeňişli orunlara mynasyp boldular. Baýramçylyk mynasybetli geçirilen sport ýaryşlarynyň ýeňijilerine we oňa gatnaşanlara Hormat hatlary, ýadygärlik sowgatlar dabaraly ýagdaýda gowşuryldy.

Berkarar döwletiň täze eýýamynyň Galkynyşy döwründe sagdyn nesli kemala getirmek, milli sporty galkyndyrmak babatda ägirt uly işler amala aşyrylýar. Ýurdumyza wekilçilik edýän ýaş türgenleriň dost-doganlyk döwletlerde guralýan abraýly sport ýaryşlarynda gazanýan üstünlikleri bu ugurda döredilýän giň gerimli mümkinçilikleriň we döwrebap şertleriň aýdyň netijesidir. Golaýda Özbegistan Respublikasynyň Horezm welaýatynda grek-rim göreşi boýunça 2012-2013 hem-de 2014-2015-nji ýyllarda doglan ýetginjekleriň arasynda geçirilen açyk çempionatda Daşoguz welaýatynyň türgenleri üstünlikli çykyş edip, baýrakly orunlara mynasyp boldular. Welaýatyň Boldumsaz etrabyndaky 2-nji sport mekdebiniň türgenleri Baýmyrat Ahmedow 32 kilogram agram derejesinde ikinji, Osman Ärjanow 20 kilogram agram derejesinde üçünji orunlara mynasyp boldular. Ýeňiş gazanan türgenler degişli derejedäki medallar we Hormat hatlary bilen sylaglanyldy. Tälim beren türgenleriniň baýrakly orunlara mynasyp bolandygy üçin Boldumsaz etrabyndaky 2-nji sport mekdebiniň tälimçisi Hoşgeldi Nobatmyradow hem Minnetdarlyk haty bilen sylaglanyldy.

Berkarar döwletiň täze eýýamynyň Galkynyşy döwründe jemgyýetiň sazlaşykly ösüşini üpjün etmäge möhüm ähmiýet berilýär. Şunda sagdyn durmuş ýörelgesini berkarar etmek möhüm wezipeleriň biri bolup durýar. TZB-niň Daşoguz  welaýat bölüminiň welaýat häkimligi bilen bilelikde guramagynda köp çagaly maşgalalaryň arasynda geçirilen sport ýaryşynyň maksady hem şol wezipeleri üstünlikli durmuşa geçirmekden ybaratdyr. Daşoguz welaýat merkezindäki 10 müň orunlyk sport toplumynda geçirilen ýaryşa welaýatyň etraplaryndan we Daşoguz şäherinden maşgala toparlarynyň köp sanlysy gatnaşdylar. Sport ýaryşynyň dowamynda toparlar özara bäsleşip, özleriniň çeýeligini, çalasynlygyny, ukyp-başarnyklaryny görkezdiler. Gyzykly geçen ýaryşyň dowamynda Daşoguz şäheriniň «Zaman» topary birinji, Boldumsaz etrabynyň «Pälwan» topary ikinji, Ruhubelent etrabynyň «Ruhubelent» topary üçünji orunlara mynasyp boldular. Ýaryşda ýeňiji bolan toparlara Hormat hatlary hem-de sowgatlar gowşuryldy.

Daşoguz welaýat häkimliginiň jemgyýetçilik guramalary, «Türkmenistan» Ýaşlar bedenterbiýe-sport guramasynyň Daşoguz welaýat bölümi, Daşoguz welaýat bedenterbiýe we sport baradaky Baş müdirligi bilen bilelikde guramagynda «Türkmenistan — ruhubelentligiň we sagdynlygyň ýurdy» ady bilen XIV spartakiadanyň çäklerinde woleýbol, stoluň üstünde oýnalýan tennis boýunça welaýat ýaryşy geçirildi. Ýaryşa Görogly, Akdepe, Saparmyrat Türkmenbaşy, Şabat, Boldumsaz, Köneürgenç etraplaryndan we Daşoguz şäherinden okuwçy oglan-gyzlar gatnaşdylar. Oglanlaryň arasynda woleýbol ýaryşy Daşoguz şäherindäki 6-njy sport mekdebinde aýlaw esasynda geçirildi. Oýunlar diýseň gyzykly, çekeleşikli boldy. Gyzykly oýunlaryň dowamynda Akdepe etrabynyň toparyna taý gelen bolmady. Topar öz garşydaş toparlarynyň hemmesini utmak bilen, birinji orny eýeledi. Ikinji orny Saparmyrat Türkmenbaşy etrabynyň topary, üçünji orny Şabat etrabynyň topary eýelediler. Gyzlaryň arasyndaky woleýbol ýaryşynda birinji orny Daşoguz şäheriniň, ikinji orny Akdepe etrabynyň, üçünji orny Saparmyrat Türkmenbaşy etrabynyň topary eýelemegi başardylar. Stoluň üstünde oýnalýan tennis boýunça ýaryş Daşoguz şäherindäki 1-nji sport mekdebinde geçirildi. Onda 12 utuk bilen Akdepe etrabynyň topary birinji, 10 utuk bilen Şabat etrabynyň topary ikinji, 7 utuk bilen Daşoguz şäheriniň topary üçünji orna mynasyp boldular. Ýeňiji bolan türgenler döwlet derejesindäki ýaryşlara gatnaşmaga hukuk gazandylar. Ýeňijiler «Türkmenistan» Ýaşlar bedenterbiýe-sport guramasynyň Daşoguz welaýat bölüminiň Hormat hatlary bilen sylaglandylar.

Ýaş pälwanlar bäsleşdiler Golaýda Daşoguz welaýat häkimliginiň, jemgyýetçilik guramalarynyň, «Türkmenistan» Ýaşlar bedenterbiýe-sport guramasynyň Daşoguz welaýat bölüminiň, welaýat bedenterbiýe we sport baradaky Baş müdirliginiň bilelikde guramagynda «Türkmenistan — ruhubelentligiň we sagdynlygyň ýurdy» atly XIV spartakiadanyň çäklerinde milli göreş boýunça welaýat  derejesinde ýaryş geçirildi. Daşoguz şäherindäki 4-nji sport mekdebinde iki gün dowam eden bu ýaryşa etraplardan we Daşoguz şäherinden hersiniň düzüminde 8 oglan bolan 7 topar gatnaşdy. Gyzykly oýunlaryň ahyrynda 40 kilogram agram derejede Görogly etrabyndan Şahymerdan Parahadow birinji orny, Saparmyrat Türkmenbaşy etrabyndan Azat Bekganow, Sylapberdi Täçmedow, degişlilikde, ikinji, üçünji orunlary eýelediler. 45 kilogram agramda birinji, ikinji orny Saparmyrat Türkmenbaşy etrabyndan Wepa Esenow, Batyr Garryýew, üçünji orny Akdepe etrabyndan Nurmyrat Allanazarow eýeledi. 48 kilogram agramda birinji orny Akdepe etrabyndan Orazmyrat Meredow, ikinji orny Saparmyrat Türkmenbaşy etrabyndan Nurberdi Baýjanow, üçünji orny Akdepe etrabyndan Kerim Annamedow eýelemegi başardy. 52 kilogram agramda birinji orny Görogly etrabyndan Balkan Batyrow, ikinji orny Köneürgenç etrabyndan Jumamyrat Öregylyjow, üçünji orny Saparmyrat Türkmenbaşy etrabyndan Mergen Esenow eýeledi. 57 kilogram agramda birinji orny Görogly etrabyndan Begenç Meredow, ikinji orny Saparmyrat Türkmenbaşy etrabyndan Aman Annaberdiýew, üçünji orny Köneürgenç etrabyndan Mekan Awezow eýelemegi başardy. 62 kilogram agramda birinji, ikinji orunlary Saparmyrat Türkmenbaşy etrabyndan Jeýhun Möwlamow, Toýmyrat Tuwakow, üçünji orny Görogly etrabyndan Batyr Ýazkulyýew eýeledi. 68 kilogram agramda birinji orny Görogly etrabyndan Serdar Gazakow, ikinji orny Köneürgenç etrabyndan Janmyrat Täçmyradow, üçünji orny Akdepe etrabyndan Begmyrat Ataýew eýelemegi başardy. 74 kilogram agramda birinji orny Görogly etrabyndan Hydyr Aşyrow, ikinji, üçünji orunlary Saparmyrat Türkmenbaşy etrabyndan Ýazmyrat Soltanmyradow, Resulguly Annaýew eýeledi. Umumy hasapda Görogly etrabynyň topary birinji, Saparmyrat Türkmenbaşy etrabynyň topary ikinji, Akdepe etrabynyň topary üçünji orny eýelediler. Şahsy birinjiligi eýelän türgenlerimiz döwlet derejesinde geçiriljek ýaryşa gatnaşmaga hukuk gazandylar. Ýeňijiler «Türkmenistan» Ýaşlar bedenterbiýe-sport guramasynyň Daşoguz welaýat bölüminiň Hormat hatlary bilen sylaglandylar.