Daýhan hojalygynyň üstünligi

Ýurdumyzyň kärendeçi daýhanlary, daýhan hojalyklary «Türkmenistan — parahatçylygyň we ynanyşmagyň Watany» ýylynda oba hojalyk ekinlerinden bol hasyl alyp, ýurdumyzyň ykdysady kuwwatynyň artmagyna özleriniň mynasyp goşantlaryny goşýarlar. Şolaryň hatarynda Daşoguz welaýatynyň Saparmyrat Türkmenbaşy etrabyndaky «Ykbal açary» daýhan hojalygyny görkezmek bolar. Bu daýhan hojalygy gowaça ekilen 200 gektar ýerden «ak altynyň» 436 tonnasyny Watan harmanyna tabşyryp, ýyllyk meýilnamany artygy bilen berjaý etdi. Tabşyrylan şonça hasylyň 146 tonnasy el güýji, galan 290 tonnasy pagta ýygyjy kombaýnyň kömegi bilen ýygyldy. Daýhan hojalygynyň agzybir agzalary atyzlardaky galan pagtanyň ýekeje hanasyny-da zaýa etmezden ýygnap almak boýunça işleri dowam etdirýärler. Gazanylan bu üstünlik daýhan hojalygynyň barha golaýlaşýan Hasyl toýuna we baky Bitaraplygymyzyň 26 ýyllyk baýramyna zähmet sowgady boldy.